Baby Bag

„ძალიან ხშირად მშობელიც არის დამნაშავე იმაში, რომ ის არასრულფასოვნად კვებავს ბავშვს,“ - პედიატრი მარინა კვეზერელი

„ძალიან ხშირად მშობელიც არის დამნაშავე იმაში, რომ ის არასრულფასოვნად კვებავს ბავშვს,“ - პედიატრი მარინა კვეზერელი

პედიატრმა მარინა კვეზერელმა ბავშვებში რკინის დეფიციტის გამომწვევ მიზეზებზე ისაუბრა და აღნიშნა, რომ ამ მხრივ, მოწინავე ადგილს იკავებს არაბალანსირებული კვება:

„როდესაც რკინის დეფიციტი მიზეზების მიხედვით დავალაგეთ, აღმოჩნდა, რომ ​მიზეზთა პირველ სამეულში შედიოდა არასრულფასოვანი, არაბალანსირებული კვება. ზოგჯერ ეს არის ეკონომიკურ მდგომარეობასთან დაკავშირებული, ზოგჯერ კი გავლენას ახდენს დედის განათლების დონე. გასაგებია, ჩვენ რაღაც განსაკუთრებულ ცოდნას არ მოვითხოვთ დედისგან. ძალიან ხშირად მშობელიც არის დამნაშავე იმაში, რომ ის არასრულფასოვნად კვებავს ბავშვს.“

მარინა კვეზერელმა ერთ-ერთი პაციენტის მაგალითი მოიყვანა, რომელიც არაბალანსირებული კვების გამო რკინადეფიციტური ანემიის პრობლემის წინაშე აღმოჩნდა:

„ჩემთან მოვიდა პაციენტი. ბავშვი იყო წლის და ოთხი თვის. ის შემოვიდა და ხელში ეჭირა ბოთლი მაწვნით. დედა მეუბნება, რომ ბავშვი ჯერ იყო ბუნებრივ კვებაზე, შემდეგ დაანებებინეს თავი. როგორც დედამ მითხრა, ამის შემდეგ ბავშვი გადაიყვანეს მაწონზე. რატომ გადაიყვანეს ხუთი თვის ბავშვი მაწონზე? ეს ცოტა ადრეა. მშობლის თქმით, იმის შემდეგ ბავშვი მაწვნის გარდა არაფერს არ ჭამდა. ღამე რომ იძინებდა, მაწვნის ბოთლი ედგა გვერდით.“

„წარმოიდგინეთ წლის და ოთხი თვის ​ბავშვი, რომელიც არის მთლიანად ერთგვაროვან, არაბალანსირებულ კვებაზე. გასაგებია, რომ მას ჰემოგლობინიც ჰქონდა დაბალი და რკინაც საკმაოდ დაბალი ჰქონდა. ასე რომ, ამის მიზეზი მარტო ეკონომიკა არ არის. მშობლის „დანაშაულიც“ არის ამაში, რომ ბავშვს აქვს რკინის დეფიციტი,“ - აღნიშნულ საკითხზე მარინა კვეზერელმა ტელეკომპანია „პულსის“ ეთერში ისაუბრა.

წყარო: ​„პულსი“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

„როდესაც ბავშვი ამბობს: „მცივა,“ უმეტეს შემთხვევაში ამაში მშობელია დამნაშავე," - ევგენი კო...
​პედიატრმა ევგენი კომაროვსკიმ სოციალურ ქსელში პოსტი გამოაქვეყნა, რომელშიც მშობლებს ურჩია, რომ თავი შეიკავონ ბავშვის ზედმეტად შეფუთვისგან, როდესაც ის სასეირნოდ მიჰყავთ:„​ბავშვი სასეირნოდ თუ მიგყავთ, მა...

შეიძლება დაინტერესდეთ

თეა წულუკიანის შვილი 5 წლის გახდა - კულტურის მინისტრი სოციალურ ქსელში პატარა იუბილარის ფოტოს აქვეყნებს

თეა წულუკიანის შვილი 5 წლის გახდა - კულტურის მინისტრი სოციალურ ქსელში პატარა იუბილარის ფოტოს აქვეყნებს

საქართველოს კულტურის, სპორტისა და ახალგაზრდობის მინისტრის თეა წულუკიანისა და ნუგზარ კაკულიას შვილი მერიკო 5 წლის გახდა. კულტურის მინისტრმა მერიკოს ფოტო სოციალურ ქსელში გამოაქვეყნა წარწერით „5 წლის.“ თეა წულუკიანმა ფოტოზე მეუღლეც მონიშნა.

სოციალურ ქსელში მეგობრები მშობლებს მერიკოს იუბილეს ულოცავენ და მას ბედნიერ მომავალს უსურვებენ.

„ძალიან ლამაზი და აზრიანია,“ „კალმით ნახატი გოგონაა,“ „რა სიცოცხლეა, როგორ უძლებთ?! ღმერთმა დღეგრძელი და ბედნიერი გაგიზარდოთ,“ „ულამაზესი და ძალიან საყვარელი, გაიზარდე ჯანმრთელი და და წარმატებული, გილოცავთ,“- წერენ სოციალური ქსელის მომხმარებლები.

თეა წულუკიანმა და ნუგზარ კაკულიამ 2016 წელს იქორწინეს. წყვილს ერთი შვილი ჰყავს. 

წაიკითხეთ სრულად