Baby Bag

„არცერთ შემთხვევაში სამუდამო მწვანე პასპორტი არ უნდა გაიცეს,“ - იმუნოლოგი გიორგი კამკამიძე

„არცერთ შემთხვევაში სამუდამო მწვანე პასპორტი არ უნდა გაიცეს,“ - იმუნოლოგი გიორგი კამკამიძე

იმუნოლოგმა გიორგი კამკამიძემ საქართველოში უვადო მწვანე პასპორტების შემოღების საკითხთან დაკავშირებით ისაუბრა. მისი თქმით, მსგავსი მიდგომა კორონავირუსის პანდემიის პირობებში სახიფათოა:

„უვადო მწვანე პასპორტები კორონავირუსთან მიმართებაში ძალიან სახიფათო თამაშია. ჩვენ არ ვიცით, როგორ განვითარდება ახალი ვარიანტები. რეალურ სურათს რომ შევხედოთ, რასაკვირველია, გადატანილი ინფექციის შემთხვევაში იმუნიტეტი უფრო ძლიერია, რეინფიცირების შემთხვევები გაცილებით ცოტაა, ვიდრე ვაქცინირებულებში ინფექციის განვითარება.“

​ეს არ ნიშნავს, რომ გადატანილებმა არ უნდა აიცრან, ვინაიდან იმ ადამიანებში, ვინც გადაიტანა ინფექცია, ვაქცინაცია განაპირობებს დაცვის 2,5-ჯერ გაუმჯობესებას. რასაკვირველია, რეინფექციის შემთხვევები არსებობს და ის გაიზრდება ახალი ვარიანტების შემოსვლასთან დაკავშირებით. ომიკრონთან მიმართებაში უკვე არის ამასთან დაკავშირებით დიდი ეჭვი და შიში, რომ რეინფიცირების რაოდენობა გაიზრდება. ამიტომ, არავითარ შემთხვევაში სამუდამო მწვანე პასპორტი არ უნდა გაიცეს,“ - აღნიშნულ საკითხზე გიორგი კამკამიძემ ტელეკომპანია პირველის გადაცემაში „შუადღე Live” ისაუბრა.

წყარო: ​შუადღე Live

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„კოვიდგადატანილთა იმუნიტეტი 7-ჯერ უფრო ძლიერია აცრილებთან შედარებით სიმპტომური დაავადებები...
​ალერგოლოგ-იმუნოლოგმა გიორგი კამკამიძემ ვაქცინაციის მნიშვნელობაზე ისაუბრა და აღნიშნა, რომ პირველ რიგში, ვაქცინაციით უნდა მოხდეს მაღალი ასაკის და ქრონიკული დაავადებების მქონე ადამიანების მოცვა:„ჩვენ პი...

შეიძლება დაინტერესდეთ

როგორ მოქმედებს დედის ბრაზი ბავშვებზე?

როგორ მოქმედებს დედის ბრაზი ბავშვებზე?

დედა ჩვეულებრივი ადამიანია, რაც ხშირად გვავიწყდება. ბევრი ადამიანი ფიქრობს, რომ დედა ყოველთვის ბედნიერი, გაღიმებული და მშვიდი უნდა იყოს. რა თქმა უნდა, ეს შეუძლებელია და დედები ყველა იმ ემოციას განიცდიან, რასაც სხვები. დედები ყოველთვის დატვირთულები არიან, რაც ხშირად სტრესის, სევდის, გამოფიტვისა და ბრაზის გამომწვევი ხდება. რა თქმა უნდა, დედებს აქვთ უფლება ჰქონდეთ განსხვავებული ემოციები, თუმცა ისინი ბავშვებისთვის როლურ მოდელებს წარმოადგენენ. მშობლებმა შვილებს ემოციებთან გამკლავება და მათი სწორი ფორმით გამოხატვა უნდა ასწავლონ, რის გამოც დედას უდიდესი სიფრთხილე მართებს, როდესაც შვილების წინაშე უარყოფით ემოციებს მძაფრად გამოხატავს.

მართალია, ბრაზი ადამიანური ემოციაა, თუმცა დედის ბრაზი ბავშვებზე ძლიერ ზეგავლენას ახდენს. მშობლების ემოციები ბავშვებისთვის გადამდებია. ისინი ემოციებთან გამკლავებას სწორედ მშობლების მაგალითზე სწავლობენ. ჩვეულებრივი, ყოველდღიური ემოციები ბავშვზე დიდ გავლენას არ ახდენს, მაგრამ დედის ბრაზი მასზე ძალიან ზემოქმედებს.

დედის ძლიერი ბრაზი ბავშვს კონცენტრაციის უნარს უქვეითებს. მათ უჭირთ სკოლაში სწავლაზე ფოკუსირება და საკუთარი ჰობის მიმართაც ინტერესს კარგავენ. ბავშვებს უძნელდებათ თამაში და სხვა ბავშვებთან კომუნიკაცია. დედის ინტენსიურმა ბრაზმა, შესაძლოა, ბავშვი ჩუმ და მშიშარა ადამიანად აქციოს. რიგ შემთხვევებში ის ბავშვებში ძილის პრობლემების გამომწვევიც ხდება.

ძლიერი ბრაზი დედასა და შვილს შორის კავშირზეც ზემოქმედებს. თუ ბავშვი ხედავს, რომ დედა ბრაზს ყვირილით გამოხატავს, შესაძლოა, თავადაც ყოველთვის იყვიროს, როდესაც ბრაზს იგრძნობს, რაც მშობელსა და შვილს შორის კავშირს აზიანებს. როდესაც დედა გრძნობს, რომ მისი ბრაზი უკონტროლოა და ის ყველაფერზე ღიზიანდება, მან საკუთარ თავზე ზრუნვა უნდა დაიწყოს, საჭიროების შემთხვევაში კი პროფესიონალის დახმარებაც ითხოვოს. თუ დედა გრძნობს, რომ ბრაზის გაკონტროლება უჭირს, ის ცოტა ხნით უნდა მოშორდეს ბავშვს, გავიდეს გვერდით ოთახში, გააკეთოს სუნთქვითი ვარჯიშები, დამშვიდდეს და კვლავ ბავშვთან დაბრუნდეს. ამგვარად, ის უკონტროლო ბრაზის შემოტევისგან დაიცავს თავს და ბავშვის ემოციებსაც გაუფრთხილდება.

წყარო: ​moms.com

წაიკითხეთ სრულად