Baby Bag

გამოკვლევები, რომლებიც გიჩვენებთ, რა გავლენა იქონია კორონავირუსმა თქვენს ჯანმრთელობაზე

გამოკვლევები, რომლებიც გიჩვენებთ, რა გავლენა იქონია კორონავირუსმა თქვენს ჯანმრთელობაზე

ჯანმრთელობის პრობლემას, როგორი უმნიშვნელოც არ უნდა იყოს, ჩვენს ცხოვრებაზე დიდი გავლენის მოხდენა შეუძლია. იგი ზოგჯერ ყოველდღიურ რიტმსაც კი ცვლის. კორონავირუსის პანდემიამ კიდევ ერთხელ დაგვარწმუნა, რომ ცხოვრება ჯანმრთელობის გარეშე არაფერია და უკვე აუცილებელია წელიწადში ერთხელ მაინც პროფილაქტიკური კვლევების ჩატარება. კვლევებისთვის კი საჭიროა სამედიცინო ლაბორატორია, რომელიც იქნება: სანდო, გამოცდილი და რაც მთავარია, ყველასთვის ხელმისაწვდომი.

მიუხედავად იმისა, რომ ვაქცინაციამდე წინასწარი კვლევების ჩატარება აუცილებლობას არ წარმოადგენს და დამოკიდებულია კონკრეტული პირის სურვილზე შეიმოწმოს ჯანმრთელობის პარამეტრები, ლაბორატორიების ქსელი „სინევო“ გთავაზობთ სპეციალურ პაკეტებს, რომლის მეშვეობითაც დაზოგავთ - დროს, ენერგიასა და ფინანსებს. ასევე, თუ კორონავირუსი უკვე გადაიტანეთ შეგიძლიათ, შეამოწმოთ თქვენი ჯანმრთელობის მდგომარეობა და ნახოთ, რა გავლენა იქონია „COVID-19“ ვირუსულმა ინფექციამ მასზე. 

„პოსტკორონა“ - რა უნდა ვიცოდეთ?

გამოკვლევებმა აჩვენა, რომ პაციენტთა 10%-ს ახასიათებს გახანგრძლივებული სიმპტომები ინფიცირებიდან ერთი თვის განმავლობაში, ხოლო პაციენტების 1,5-2%-ში ამ სიმპტომების ხანგრძლივობა გრძელდება სამ თვემდე. აღწერილია სხვადასხვა სახის გახანგრძლივებული სიმპტომები, როგორებიცაა: დაღლილობა, ქოშინი, გულმკერდის ტკივილი, მუცლის ტკივილი, სახსრების ტკივილი და შეშუპება, ზოგიერთ შემთხვევაში ცხელება, ხველა და/ან ყელის ტკივილი. ეს სიმპტომები შეიძლება უკავშირდებოდეს მეორად ინფექციას, ანთებას, „COVID-19“ ინფექციური დაავადებით გამოწვეულ დაზიანებებს ან მანამდე უკვე არსებულ ჯანმრთელობასთან დაკავშირებულ მდგომარეობას.

„პოსტკორონა“ ძირითადი პანელის პროფილში შედის პარამეტრები, რომლებიც დაგეხმარებათ გახანგრძლივებული სიმპტომების გამომწვევი მიზეზების დადგენაში. გარდა ამისა, „პოსტკორონა“ ძირითადი პანელის გამოყენება შეუძლია ყველას, ვისაც გადატანილი აქვს ინფექცია და სურს შეამოწმოს სისხლის მნიშვნელოვანი მარკერები, რათა დარწმუნდეს, რომ ისინი ნორმის ფარგლებშია. პანელში შედის ბიომარკერები ისეთი მდგომარეობებისთვის, როგორებიცაა: გულის, თირკმელების, ღვიძლის, ფილტვების დაზიანება, ანთება, ინფექცია და დიაბეტი.

აქციის ფარგლებში „პოსტკორონა“ ძირითადი პანელის ფასია 135 ლარი, ნაცვლად 270 ლარისა. ასევე, გარდა ამისა, თქვენ შეგიძლიათ ისარგებლოთ „პოსტკორონა“ გაფართოებული პანელით, რომელშიც გადაიხდით 205 ლარს, ნაცვლად, 411 ლარისა.

შეუკვეთეთ ონლაინ→ „Covid-19″ Preventive Panels/”Covid-19″ ​პროფილაქტიკური პანელები

COVID-19 ინფექციის გართულებების მონიტორინგი

„COVID-19“ ინფექციის ერთ-ერთი ყველაზე ხშირი გართულებაა სისხლის შედედების სისტემის დაზიანება და თრომბოემბოლია, რაც სიცოცხლისთვის შეიძლება საშიში იყოს. ამიტომ ექიმები გვირჩევენ შევამოწმოთ საჭირო პარამეტრები შესაძლო გართულებების თავიდან ასაცილებლად.

„სინევოს“ ლაბორატორიულ ქსელში შესაძლებელია ერთი ტესტით - პროფილური კვლევა „კოვიდ-19 ინფექციის გართულებების მონიტორინგი“ - ჩაიტაროთ ოთხი ძირითადი ანალიზი, რომელიც გვაძლევს ინფორმაციას ინფექციის მიმდინარეობის, სისხლის უჯრედული რეაქციისა და შედედების სისტემის მდგომარეობის შესახებ.


​15 სექტემბრიდან 15 ოქტომბრამდე მოქმედებს სპეციალური აქცია, რომლის პირობების მიხედვით, მოცემულ პერიოდში „კოვიდ-19“ PCR ანატიგენის ტესტის „სინევოს“ ლაბორატორიაში გაკეთების შემთხვევაში, მიიღებთ (იხილეთ შეთავაზება→) COVID-19 ინფექციის გართულებების მონიტორინ​გის პროფილზე დამატებით ფასდაკლებას და ჩაიტარებთ კვლევას 80 ლარად, ნაცვლად 141 ლარისა.

კორონავირუსის SARS-Cov-2 ანტისხეულები სპაიკ (S) ცილის მიმართ - გაი​გეთ მეტი ↓

SARS-Cov-2 სპაიკის (S) ცილის საწინააღმდეგო გამანეიტრალებელი ანტისხეულების ტესტის ჩატარება შესაძლებელია ვაქცინაციის შემდეგ ანტისხეულების ტიტრის მონიტორინგისთვის ან/და „კოვიდ-19“ ინფექციის შემდეგ იმუნური სტატუსის შესაფასებლად.

კორონავირუსის SARS-Cov-2 ანტისხეულები სპაიკ (S) ცილის მიმართ (რაოდენობრივი) ტესტის უპირატესობა:

  • მოცემული ტესტი, რომელსაც გთავაზობთ „სინევოს“ ლაბორატორია, განსაზღვრავს ანტისხეულების საერთო რაოდენობას (IgG ანტისხეულების ჩათვლით), რომლებიც წარმოიქმნება პაციენტის სისხლის შრატში ვირუსული ანტიგენის - „სპაიკ“ (Spike) ცილის (S1 სუბერთეულის) RBD (რეცეპტორების შემაკავშირებელი დომენის) უბნის მიმართ.
  • მეთოდი: ელექტროქემილუმინესცენცია (ECLIA), სრულად ავტომატური დახურული სისტემა. ანალიზატორი Cobas e 411; მწარმოებელი: Roche (გერმანია).
  • მაღალისპეციფიურობა (100%) და მგრძნობელობა (98.8%).
  • ჰუმორული იმუნური პასუხის რაოდენობრივი შეფასება გვაძლევს საშუალებას სპეციფიკური ანტისხეულების ტიტრის განსაზღვრით მოვახდინოთ პაციენტთა იმუნური რეაქციების დინამიკის მონიტორინგი.

ასევე, ლაბორატორიამ ვაქცინირებული მოქალაქეებისთვის სპეციალური შეთევაზება გააკეთა. მათ შეეძლებათ ისარგებლონ -50%-იანი ფასდაკლებით პროფილაქტიკური კვლევების (General check up) და ანტისხეულების ერთობლივ პანელზე. გაიგეთ მეტი -  სპეციალ​ური შეთავაზება ვაქცინირებულებს!

შეიძლება დაინტერესდეთ

,,ბოლოს მაინც გამოსტაცა სიკვდილმა ოჯახს მამა - აცრილი რომ ყოფილიყო, აუცილებლად ცოცხალი იქნებოდა დღეს''

,,ბოლოს მაინც გამოსტაცა სიკვდილმა ოჯახს მამა - აცრილი რომ ყოფილიყო, აუცილებლად ცოცხალი იქნებოდა დღეს''

აკა­დე­მი­კოს ვახ­ტანგ ბო­ჭო­რიშ­ვი­ლის კლი­ნი­კის გე­ნე­რა­ლუ­რი დი­რექ­ტო­რი და­ვით გა­დე­ლია სო­ცი­ა­ლურ ქსელ­ში პოსტს აქ­ვეყ­ნებს, სა­დაც აც­რის მნიშ­ვნე­ლო­ბა­ს კიდევ ერთხელ უსვამს ხაზს:

,,ისევ აცრის შესახებ..

ძალიან ვთხოვე ჯანდაცვის ეროვნული ცენტრის ხელმძღვანელს, ბატონ ამირანს, გარდაცვლილთა რაოდენობის გამოცხადებისას ისიც აღნიშნონ, რამდენია მათ შორის ვაქცინირებული. იდეა მოეწონა, მაგრამ ტექნიკურად ცოტა რთული აღმოჩნდა იმავე დღეს დიფერენცირება. ამიტომ თვის ჭრილში აკეთებენ, თუმცა თვის ჭრილში ამას ნაკლები ადამიანი ეცნობა და კარგავს იმ მნიშვნელობას, რაც უნდა ჰქონდეს. გარდაცვლილთა 1%-იც არ იქნება აცრილი! ჩვენთან ერთი გარდაიცვალა მხოლოდ და ისიც ძალიან მძიმე თანმხლები დაავადებით - შეიძლება კოვიდის გარეშეც რომ გარდაცვლილიყო! რამდენი ხანია ბოჭორიშვილის კლინიკის 20 კაციან რეანიმაციაში აცრილი ადამიანი არ მოხვედრილა! ესაა მთავარი!

წინა სტატიის კომენტარში ასეთი რამ გამოჩნდა: ,,თანმდევი დაავადებით ისეთი ხალხი კვდება კოვიდის დროს, რომელიც ისეც მოკვდებოდნენ" - ო. დამახინჯებულადაა გადმოცემული ჩემი ერთი ქეისი. მართლაც გარდაგვეცვალა ერთი აცრილი პაციენტი, ავთვისებიანი სიმსივნის მქონე. მაგრამ ეს არ ნიშნავს, რომ" ყველა ვინც კვდება მომაკვდინებელი სხვა სენიც აქვს". უკუღმართი ლოგიკაა. რა თქმა უნდა არსებობს რისკის ჯგუფი, ვისაც განსაკუთრებით ერჩის კოვიდ-19, მაგრამ ეს ვირუსი რომ არ შეხვედროდა, 20-30წელს იცხოვრებდა! აბა, საბოლოოდ ყველა მოკვდავები ვართ. თანმდევი დაავადებებიდან გამოვარჩევდი დიაბეტს, გულ-სისხლძარღვთა ქრონიკულ დაავადებებს, სიმსუქნეს! ჩემი წონის კაცი უკვე რისკ ფაქტორის მქონეა, თუმცა პრაქტიკულად ჯანმრთელად ვითვლები.

ორშაბათს, დილის კონფერენციაზე, ჩვენი კლინიკის რეანიმაციული დეპარტამენტის უკვე ძალიან ბევრის მნახველი უფროსი, Tata Kachibaia მკვდარი სახით შემოვიდა.. ბევრჯერ მითქვამს, როგორ ბერდებიან ერთ დღეში რამოდენიმე წლით ექიმები.. წინა ღამით ორსაათნახევარი იბრძოდა ახალგაზრდა, 40 წლის კოვიდიანი მამაკაცის სიცოცხლისთვის. ბოლოს მაინც გამოსტაცა სიკვდილმა ოჯახს მამა.. 

ავადმყოფი დიდი წონის მქონე იყო (ამის გამო დიაბეტიც ჰქონდა დაწყებული). ძალიან დიდი სინანულით და ამავე დროს სრული დარწმუნებით თქვა თათამ: "აცრილი რომ ყოფილიყო აუცილებლად ცოცხალი იქნებოდა დღეს და შეიძლება ჩემთანაც კი არ მოხვედრილიყოო". წვრილშვილიანი ოჯახი დარჩა უმამოდ. ვთხოვე, ეს სიტყვები ტელევიზიითაც ეთქვა, მაგრამ სააერთოდ სიტყვაძუნწია და მივეცი თავს უფლება აქ მეთქვა თქვენთვის,'' - აღნიშნავს დავით გადელია.

წაიკითხეთ სრულად