Baby Bag

ახალი სირტუინის დიეტა - ადელის საოცარი ტრანსფორმაციის საიდუმლო ამოხსნილია

ახალი სირტუინის დიეტა - ადელის საოცარი ტრანსფორმაციის საიდუმლო ამოხსნილია

ახალი დიეტის შესახებ ინფორმაციის გავრცელება ადამიანებში ცნობისმოყვარეობას სწრაფად აღვიძებს. ყველას, ვისაც წონის პრობლემა აქვს, სურს ახალ დიეტაზე მეტი შეიტყოს, რათა სამომავლოდ ზედმეტი კილოგრამებისგან გასათავისუფლებლად მისი გამოყენება სცადოს. გასულ კვირაში მთელი მსოფლიო სირტუინის დიეტის შესახებ ალაპარაკდა. ახალი ბრიტანული დიეტა პოპულარული მას შემდეგ გახდა, რაც ცნობილი მომღერლის, ადელის ინსტაგრამზე მისი ახალი ფოტო გამოჩნდა. თაყვანისმცემლები გაოცებას ვერ მალავდნენ და ერთხმად აღნიშნავდნენ, რომ სხეულის საოცრად შეცვლილი ფორმების გამო ყველასთვის საყვარელი ვარსკვლავის ცნობა თითქმის შეუძლებელი იყო. როგორც მოგვიანებით გაირკვა, ადელის საუცხოო გარდასახვა სწორედ სირტუინის დიეტის დამსახურებაა.


მომღერლის ცნობილ დიეტაში შემავალი საკვები ძალიან ჯანსაღი და სასარგებლოა. ვაშლი, ხუჭუჭა კომბოსტო, მოცვი, მწვანე ჩაი, ციტრუსები, სოიო, წიწიბურა, მარწყვი, კაპარი, ოხრახუში, ყავა და ხახვი ის პროდუქებია, რომლებიც გარდა იმისა, რომ ჯანსაღია, ძალიან ბევრ ადამიანს უყვარს. სირტუინის დიეტაზე მყოფ ადამიანებს წითელი ღვინისა და შავი შოკოლადის მირთმევის უფლებაც აქვთ. წონაში დაკლების მსურველებს ყველაზე მეტად სწორედ ამ ორი პროდუქტის რაციონში შეტანის შესაძლებლობა აბედნიერებთ.

ადელი და პიპა მიდლტონი, რომლებიც სირტუინის დიეტის მიმდევრები არიან, ხშირად აღნიშნავენ, რომ ადამიანები მათ კვების რეჟიმისა და მიღებული შედეგების შესახებ ძალიან ბევრ კითხვას უსვამენ. ჯადოსნური დიეტა წონაში კლებას და მიღებული შედეგების შენარჩუნებას კვების განსაკუთრებული რაციონის წყალობით უზრუნველყოფს. ყველა პროდუქტი, რომელსაც სირტუინის დიეტაზე ყოფნის დროს მიირთმევთ, დიდი რაოდენობით პოლიფენოლს შეიცავს, აღნიშნული ქიმიური ნივთიერება წონაში კლებისთვის ძალიან ეფექტურია.

პოლიფენოლის შემცველი პროდუქტებით ხანგრძლივად და რეგულარულად კვება ორგანიზმში სირტუინებისთვის მეტაბოლურ გზას ხსნის. სირტუინი ცილაა, რომელიც ზედმეტი წონისგან გათავისუფლებაში გეხმარებათ. ის უჯრედებს განადგურებისგან იცავს, ორგანიზმში ანთებით პროცესებს არეგულირებს, ხელს უწყობს მეტაბოლიზმის გაუმჯობესებას და დაბერების პროცესს აფერხებს. სირტუინის დიეტა საზოგადოებისთვის ცნობილი მხოლოდ ახლა ხდება. ჯერ ვერაფერს ვიტყვით, თუ რამდენად მდგრადია ის შედეგები, რომელსაც მისი აქტიური მიმდევრები იღებენ. სირტუინის დიეტის ეფექტურობას სრულფასოვნად მხოლოდ რამდენიმე წლის გავლის შემდეგ თუ შევაფასებთ.

სირტუინის დიეტის წყალობით ერთ კვირაში წონაში დაახლოებით 3,5 კილოგრამამდე იკლებთ. მისი მომხიბლავობის და პოპულარობის ერთ-ერთი საიდუმლო სწორედ სწრაფი და ეფექტური შედეგის მიღებაა. სირტუინის დიეტა სულ 2 ფაზისგან შედგება. არსებობს სპეციალური წიგნი, რომელიც თითოეული ფაზის შესახებ დეტალურ ინფორმაციას გაწვდით და საინტერესო რეცეპტებსაც გთავაზობთ, რომელთა დახმარებით კვების რაციონს უფრო სასიამოვნოს და მრავალფეროვანს გახდით.
სირტუინის დიეტის პირველ ფაზაში (იგულისხმება პირველი კვირა) დღის განმავლობაში 3-ჯერ სვამთ ჯანსაღ მწვანე წვენს და მხოლოდ ერთხელ მიირთმევთ სოლიდურ საკვებს, კვირის მიწურულს კი შეგიძლიათ დღეში ორჯერ მიირთვათ სირტუინებით მდიდარი საკვები და მწვანე წვენიც ორჯერ დალიოთ.

დიეტის მეორე ფაზაში (მომდევნო ორი კვირა) თქვენ მიღებულ შედეგებს ინარჩუნებთ და წონის კლებასაც განაგრძობთ. მოცემულ ეტაპზე შესაძლებლობა გაქვთ სირტუინებით მდიდარი პროდუქტებით დღეში 3-ჯერ იკვებოთ, სასარგებლო მწვანე წვენი კი მხოლოდ ერთხელ მიიღოთ. თუ თქვენ წონაში დაკლება მეორე ფაზის შემდეგაც გსურთ, კვლავ პირველ ფაზას უნდა დაუბრუნდეთ და ყველაფერი თავიდან გაიმეოროთ.

დიეტოლოგების ნაწილი სირტუინის დიეტისადმი ნეგატიურად არის განწყობილი. მხოლოდ სირტუინების შემცველი საკვების მიღება მათ არაჯანსაღად მიაჩნიათ. გარდა ამისა, დიეტოლოგები დიეტის პირველ ფაზასაც აკრიტიკებენ, რომელიც მის მიმდევრებს დღის განმავლობაში მხოლოდ 1000-1500 კალორიის მიღების უფლებას აძლევს. ნუტრიციოლოგები მიიჩნევენ, რომ კალორიების წარმოუდგენლად დაბალი რიცხვი ადამიანებს ყოველდღიური აქტივობებისთვის საჭირო ენერგიის მიღებაში ხელს შეუშლის და მათ ჯანმრთელობასაც დააზიანებს.

დიეტოლოგები აღნიშნავენ, რომ სირტუინის დიეტაში შემავალი საკვები პროდუქტები რკინითა და ცილებით საკმაოდ ღარიბია. მხოლოდ სირტუინების შემცველი საკვების მიღება ორგანიზმის ჯანმრთელობისთვის საკმარისი არ არის. ხილი, ბოსტნეული, რძის პროდუქტები, ხორცი ან მისი ალტერნატივები ადამიანს სრულფასოვანი კვებისთვის აუცილებლად ესაჭიროება. სხვაგვარად ორგანიზმი ვიტამინებისა და მინერალების საჭირო მარაგს ვერ შეივსებს. ექიმების უმრავლესობა თვლის, რომ წონის მოულოდნელი და სწრაფი კლება სასურველი არ არის, რადგან ჯანმრთელობის გარკვეულ საფრთხეებს შეიცავს. ვიდრე რომელიმე დიეტის საკუთარ თავზე გამოცდას გადაწყვეტდეთ, აუცილებლად მიმართეთ თქვენს მკურნალ ექიმს ან დიეტოლოგს, გაითვალისწინეთ მათი რჩევები და რეკომენდაციები, რათა საკუთარ ჯანმრთელობას საფრთხე არ შეუქმნათ. 

--insta--
მომზადებულია ​moms.com-ის მიხედვით
თარგმნა ია ნაროუშვილმა

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგ​უფი“)

შეიძლება დაინტერესდეთ

„ფარისებრი ჯირკვლის კვანძების 90% კეთილთვისებიანია, 10% შემთხვევაში ისინი შეიძლება იყვნენ ავთვისებიანი,“ - ენდოკრინოლოგი ნაია ლატარია

„ფარისებრი ჯირკვლის კვანძების 90% კეთილთვისებიანია, 10% შემთხვევაში ისინი შეიძლება იყვნენ ავთვისებიანი,“ - ენდოკრინოლოგი ნაია ლატარია

ენდოკრინოლოგ-ნუტრიციოლოგმა ნაია ლატარიამ ჩიყვის გამომწვევ მიზეზებსა და დაავადების მიმდინარეობის თავისებურებებზე ისაუბრა. მან აღნიშნა, რომ ჩიყვს უმეტესად უსიმპტომო მიმდინარეობა აქვს:

„ჩიყვი არის ფარისებრი ჯირკვლის მოცულობაში გაზრდა. ასევე ჩიყვი არის, თუ ნორმალური მოცულობის პირობებში ფარისებრ ჯირკვალში წარმოიქმნა კვანძოვანი ჩანართები. შეიძლება ეს კვანძები სხვადასხვა ზომის იყოს. დიფუზური და კვანძოვანი ჩიყვი ძირითად შემთხვევებში უსიმპტომოდ მიმდინარეობს. სიმპტომები გამოვლინდება იმ შემთხვევაში, თუ მოცულობაში ძალიან გაიზარდა ფარისებრი ჯირკვალი. თუ კვანძები გაიზარდა ზომაში, შეიძლება მოხრჩობის შეგრძნებამ შეაწუხოს ადამიანი, ყლაპვის გაძნელებამ. ​ზოგიერთ თანმხლებ დაავადებას ასევე ტკივილის სინდრომიც ახასიათებს. სხვა შემთხვევაში, როგორც წესი უსიმპტომოდ მიმდინარეობს და შემთხვევით ხდება აღმოჩენა.“

ნაია ლატარიას თქმით, კვანძოვანი წარმონაქმნები ფარისებრი ჯირკვლის ფუნქციურ ცვლილებებსაც იწვევს:

„კვანძოვან წარმონაქმნებს ფუნქციური ცვლილებაც ახლავს ფარისებრი ჯირკვლის, ​როდესაც ჰორმონების დონე არის შეცვლილი. სიმპტომები, როგორებიც არის უძილობა, თავის ტკივილი, საერთო სისუსტე, ადვილად დაღლა, წონაში მატება, კლება, ეს ყველაფერი უკვე ფუნქციურ დარღვევებს ახასიათებს. ფარისებრი ჯირკვლის და კვანძის წარმოქმნის ყველაზე ხშირი მიზეზი არის იოდის დეფიციტი ან აუტოიმუნური პროცესები, როდესაც ფარისებს ჯირკვალს იმუნური სისტემა ებრძვის. იოდდეფიციტით გამოწვეული ჩიყვის შემთხვევაში, ეს არ ნიშნავს იმას, რომ პაციენტს შემდგომ იოდის პრეპარატები უნდა მივცეთ და ამით დავიწყოთ მკურნალობა.“

„ფარისებრი ჯირკვლის კვანძების 90 % კეთილთვისებიანია. 10 % შემთხვევაში ისინი შეიძლება იყვნენ ავთვისებიანი. ერთ-ერთი გზა ამის დასადგენად არის ბიოფსიური კვლევა. თუ კვანძები არის კეთილთვისებიანი, მედიკამენტოზური თერაპია არ ინიშნება. ინიშნება მხოლოდ დინამიკაში დაკვირვება. ​თუ კვანძები არის ავთვისებიანი, მაშინ ქირურგიულად უნდა მოხდეს მათი მოშორება. ავთვისებიანი კვანძებიც ფარისებრი ჯირკვლის შემთხვევაში საიმედო პროგნოზით ხასიათდება და მკურნალობას ადვილად ექვემდებარება,“- აღნიშნულ საკითხებზე ნაია ლატარიამ ტელეკომპანია „რუსთავი 2“ - ის გადაცემაში „დილა მშვიდობისა საქართველო“ ისაუბრა.

წყარო: ​„დილა მშვიდობისა საქართველო“

წაიკითხეთ სრულად