Baby Bag

რა არის საჭირო იმისთვის, რომ ჯეჯილი ხასხასა მწვანე გამოვიდეს?

რა არის საჭირო იმისთვის, რომ ჯეჯილი ხასხასა მწვანე გამოვიდეს?

ახლოვდება აღდგომის ბრწყინვალე დღესასწაული და დიასახლისები მზადებას იწყებენ. გარდა იმისა, რომ კვერცხები წითლად უნდა ​შეიღებოს და პასქები გამოცხვეს, ჯეჯილის დათესვაც აუცილებელია. 

პირველ რიგში, რისი სიმბოლოა სააღდგომო ჯეჯილი? - იგი ახალი ცხოვრების დაწყების სიმბოლოა, რომელიც ქრისტემ კაცობრიობას თავისი აღდგომით მიანიჭა. 

როდის უნდა დაითესოს ჯეჯილი? - ჯეჯილი ლაზარეს შაბათს, ბზობის წინა დღეს უნდა დაითესოს (ბზობის კვირას). 

რა არის საჭირო ხასხასა მწვანე ჯეჯილისთვის? - იმისთვის, რომ ჯეჯილი ხასხასა მწვანე გამოვიდეს, საჭიროა ბამბა დავაფინოთ ჯეჯილისთვის გამზადებულ ჭურჭელზე, დავასხათ წყალი, დავაყაროთ ბლომად ხორბალი და დავგდათ თბილ ადგილას. დროდადრო დავაკვირდეთ ხომ  არ გამოშრა ბამბა. თუ მშრალია, მაშინ დავასხათ წყალი. (ბამბა წყალში არ უნდა ტივტივებდეს, საჭიროა ზომიერება).

ასე შეღებილ სააღდგომო კვერცხს იდეალური ფერი ექნება
ახლოვდება აღდგომის ბრწყინვალე დღესასწაული. დიასახლისები იწყებენ ფიქრს, თუ რომელი რეცეპტით გამოაცხონ პასკები და როგორ შეღებონ კვერცხები ისე, რომ მათ იდეალური ფერი ჰქონდეთ. ​​MomsEdu.ge​ ამჯერ...
ასე დათესილი ჯეჯილი სააღდგომო სუფრას განსაკუთრებით გაგიხალისებთ
​როდის უნდა დაითესოს ​ჯეჯილი რომ მწვანედ აბიბინებული იყოს, ამის შესახებ უკვე შემოგთავაზეთ ​სტატია.  ახლა მოგიყვებით ტრადიციულის გარდა, კიდევ რა ფორმით შეგიძლიათ დათესოთ ჯ...
„ყოველ წელს ამ არაჩვეულებრივი რეცეპტით ვაკეთებ პასკებს და ძალიან გემრიელი გამოდის...“
​სოციალური ქსელის მომხმარებელი ანა კოსტავა პასკის რეცეპტს აქვეყნებს, რომელსაც უამრავი მოწონება და გაზიარება აქვს. გთავაზობთ ანა კოსტავას პოსტს უცვლელად:„მეგობრებო, ბევრმა მთხოვეთ პასკის რეცეპტი დ...

შეიძლება დაინტერესდეთ

10 საკვები პროდუქტი, რომელიც ერთ წლამდე ასაკის ბავშვს აუცილებლად უნდა მივცეთ

10 საკვები პროდუქტი, რომელიც ერთ წლამდე ასაკის ბავშვს აუცილებლად უნდა მივცეთ
ჩვილი ბავშვის მყარ კვებაზე გადაყვანის შემდეგ საკვები რაციონის მრავალფეროვნებაზე ზრუნვა მშობლების მთავარი მოვალეობაა. კვლევებით დასტურდება, რომ ერთ წლამდე ასაკის ბავშვისთვის ხილისა და ბოსტნეულის დიდი რაოდენობით მიცემა, მას ჯანსაღ კვებით ჩვევებს უვითარებს. კვების ექსპერტები მშობლებს ურჩევენ, რომ პატარებს ისეთი ალერგიული პროდუქტები, როგორიცაა არაქისი და კვერცხი, 12 თვემდე უნდა გაასინჯონ.

ბავშვის მყარ კვებაზე გადაყვანა თანდათანობით უნდა მოხდეს. არ აქვს მნიშვნელობა, პატარას ბოსტნეულის პიურეს აძლევთ, ბრინჯის ფაფას თუ ქათმის ხორცს, ნებისმიერ შემთხვევაში ახალი საკვების შეთავაზების შემდეგ ბავშვი სამი დღე უნდა დაასვენოთ და მის რაციონში მომდევნო სიახლის შეტანაზე მხოლოდ ამის შემდეგ უნდა იზრუნოთ. ბავშვისთვის ახალი საკვების შეთავაზებისას ყურადღებით დააკვირდით პატარას მდგომარეობას, რათა ალერგიული რეაქცია არ გამოგეპაროთ.
10 პროდუქტი, რომელიც პატარას ერთ წლამდე აუცილებლად უნდა მივცეთ
ბავშვის რაციონში დიდი რაოდენობით ხილი და ბოსტნეული უნდა ჩავრთოთ.
1. ოსპი - მარტივად მოსამზადებელია, ამასთან ის ცილებისა და რკინის ნამდვილი საბადოა. მისგან მომზადებული ​კერძის ტექსტურა მოხარშული ბარდის ტექსტურის მსგავსია.
2. ორაგული - პატარების ერთ-ერთი საყვარელი კერძია. ის დიდი რაოდენობით შეიცავს ომეგა 3-ს, რომელიც ბავშვებისთვის (და არა მხოლოდ მათთვის) ძალიან სასარგებლო ცხიმია. ორაგულის რეგულარულად მირთმევა პატარას ტვინის უჯრედების განვითარებას უწყობს ხელს.
3. არაქისის კარაქი - პიურეს მომზადებისას უნდა გამოიყენოთ. დარწმუნდით, რომ ის კერძს მეტისმეტად არ ასქელებს. არაქისის კარაქის ადრეული ასაკიდანვე მირთმევა, პატარებს მომავალში ალერგიული რეაქციების განვითარების რისკებისგან დაიცავს. 
4. გოგრა​პიურეს მოსამზადებლად ერთ-ერთი საუკეთესო ინგრედიენტია. ეს კლასიკური საბავშვო საკვები პროდუქტი, პატარების რაციონს ძალიან ახალისებს. გარდა ამისა, ​გოგრა A ვიტამინის ნამდვილი საბადოა.
5. კენკრა - ბავშვები საკვებ პროდუქტებს, პირველ რიგში, თვალებით აფასებენ. მათ ძალიან მოსწონთ ფერადი პროდუქტები. რომელ პატარას არ მოხიბლავს მუქი ფერის მოცვის მარცვლების დანახვა? დაბლენდერებული ან დასრესილი მოცვი პატარას კოვზით უდნა მიართვათ ან მისი შერევა პიურეში უნდა სცადოთ. შეგიძლიათ ბავშვს კენკრისგან მომზადებული იოგურტითაც გაუმასპინძლდეთ.
6. ხახვი და ნიორი - ბავშვის რაციონის გასამდიდრებლად თქვენ მიერ მომზადებული პროდუქტები არომატული დანამატებით გაახალისეთ. შეგიძლიათ თამამად გამოიყენოთ პიტნა, ნიორი, პრასი, ხახვი, ქინძი, რეჰანი და მწვანე ხახვი. ბავშვებს არომატული პროდუქტების მირთმევა ძალიან ხიბლავთ. თუ გსურთ, რომ პატარას ახალი გემოებისადმი და არომატებისადმი ინტერესი გაუღვივოთ, ხახვისა და ნივრის გამოყენება კერძებში აუცილებლად უნდა სცადოთ.
7. ისპანახი - ზოგიერთ პატარას ახალი კერძების დაგემოვნება ძალიან ხიბლავს, ზოგ მათგანს კი მათი გასინჯვა დიდად არ სიამოვნებს და მშობლების შემოთავაზებას სასტიკი უარით პასუხობს. ბავშვის ნეგატიური განწყობის მიუხედავად, დანებებაზე არც იფიქროთ, მით უმეტეს, თუ მისთვის მწვანე ფოთლოვანი პროდუქტების შეთავაზებას ცდილობთ. აღნიშნული ტიპის პროდუქტები მთელს პლანეტაზე ყველაზე სასარგებლო საკვებად არის მიჩნეული. მათზე უარის თქმა ბავშვისთვის სასარგებლო ნამდვილად არ იქნება, ამიტომ ისპანახი და სხვა მწვანე ფოთლოვანი პროდუქტები მას აუცილებლად უნდა გაასინჯოთ.
8. საქონლის ხორცი - თუ თქვენს ოჯახში ხორცს რეგულარულად მიირთმევთ, პატარას რაციონში საქონლის ხორცი აუცილებლად უნდა ჩართოთ. შეგიძლიათ ბავშვს ის გატარებული ან პიურეს სახით მიაწოდოთ. ხორცთან ერთად ჩვილები სიამოვნებით მიირმევენ ტკბილ კარტოფილსა და მწვანე ბოსტნეულის პიურესაც. საქონლის ხორცი რკინისა და თუთიის შეუცვლელ საბადოს წარმოადგენს.
9. მარცვლეული პროდუქტები - ბავშვისთვის მხოლოდ ბრინჯის მიწოდება საკმაოდ ძველმოდური შეხედულებაა. ჩვილის რაციონში აუცილებლად ჩართეთ შვრია, ყავისფერი ბრინჯი და სხვა მარცვლეული პროდუქტები. მარცვლოვანი პროდუქტები ბავშვის ორგანიზმს უჯრედისით ამარაგებს.
10. კვერცხი - აღნიშნული პროდუქტისადმი პედიატრები ადრე მეტ სიფრთხილეს იჩენდნენ და მშობლებს ურჩევდნენ, რომ ჩვილი ბავშვისთვის მისი მიწოდებისგან თავი შეეკავებინათ, თუმცა თანამედროვე მედიცინამ აღნიშნული ხედვა გადააფასა. ერთი ცალი კვერცხი 6 გრამ ცილას შეიცავს, გარდა ამისა ის ჯანსაღი ცხიმებისა და D ვიტამინის ერთ-ერთი საუკეთესო წყაროა, რის გამოც მას ექიმები ბავშვისთვის საუკეთესო პროდუქტად თვლიან. გარდა იმისა, მოხარშული კვერცხის ბოსტნეულთან ერთად დაბლენდერება ჩვილისთვის მარტივი სადილის მომზადებაში ძალიან დაგეხმარებათ.
ბავშვისთვის სასარგებლო საკვებად ასევე მიიჩნევა შემდეგი 10 პროდუქტი: ატამი, ყაბაყი, ცხვრის ხორცი, ხუჭუჭა კობმოსტო, მარწყვი, ჭარხალი, შვრია, ყველი, გოგრა, მწვანილები.

მომზადებულია ​www.parents.com-ის მიხედვით
თარგმნა ია ნაროუშვილმა
წაიკითხეთ სრულად