Baby Bag

,,მთელს ოჯახში დადებითი ემოცია შემოიტანა'' - როგორ მოქმედებს ბავშვებზე შინაური ცხოველები (ფოტოები)

,,მთელს ოჯახში დადებითი ემოცია შემოიტანა'' - როგორ მოქმედებს ბავშვებზე შინაური ცხოველები (ფოტოები)

კვლევებით დასტურდება, რომ ბავშვებზე ცხოველებთან ერთად ცხოვრება დადებითად მოქმედებს. ​MomsEdu.ge წარმოგიდგენთ ბავშვებს თავიანთ საყვარელ შინაურ ცხოველებთან ერთად და მშობლების შეხედულებას, თუ როგორ მოქმედებს ბავშვებზე შინაურ ცხოველთან ურთიერთობა.

მშობელი: მარი ხანიკაევი
ძაღლის ჯიში: მინი იორკშირტერიერი 
სახელი: მუსია

,,გუგა რომ დაიბადა, მუსია 2 წლის იყო. დაბადების დღიდან ერთად იზრდებიან, ერთად სძინავთ, ერთად ისვენებენ. ფაქტობრივად ორი ბავშვი გვყავს სახლში. მუსიას ემოციურ მდგომარეობაზე მე და ჩემი მეუღლე ძალიან ვზრუნავდით და ვუნაწილებდით დროს, რომ ეჭვიანობის საბაბი არ ჰქონოდა. დღეს გუგა 2.6 წლისაა, მუსია 4-ის და ისინი ყველაზე კარგი, განუყრელი მეგობრები არიან. ბავშვისთვის ოთხფეხა მეგობარზე დიდი საჩუქარი არაფერია. მან გუგას განსხვავებულის სიყვარული და ზრუნვა ასწავლა."

მშობელი:მარიამ პაპაშვილი
ძაღლის ჯიში: ლაბრადორი 
სახელი: გონე
ძაღლის ჯიში: პუდელი 
სახელი: ზუკო

„გონე არის ძალიან ძალიან წყნარი. სულ ცდილობს, რომ მოერიდოს ბავშვს. პატარა ჭოჭინით გაქანდება ხოლმე, ძაღლებმა აღარ იციან სად დაიმალონ. 
ზუკო ცოტა ემოციური ძაღლია და ვფიქრობდით, როგორ შეეჩვეოდა პატარას. გონესგან განსხვავებით, ზუკო უფრო გაბედულად მიდის ბავშვთან, მაგრამ მარტო იმიტომ, რომ წასახემსებლები წაართვას, ესეც უყრის ყველაფერს. გონე ძალიან გაწონასწორებული და დისციპლინას მიჩვეულია და არასოდეს არ გადავა ბავშვის ხალიჩაზე, არასდროს აიღებს სათამაშოს. ერთხელ მე და ჩემი მეუღლემ ჩხუბის სცენა გავითამაშეთ და გონე იმას ეჩხუბებოდა, ვინც აგრესიულად ჩხუბობდა, მერე ბავშვზეც გადავწყვიტეთ გვეცადა რას იზამდა და ვითომ ხელი მოუქნია ჩემმა მეუღლემ ბავშვს და გონე შეახტა, ყეფა დაუწყო. ასეთი ძაღლი ისეთ ოჯახებში, სადაც შანსია ძალადობის არის ძალიან კარგი დამცველი. 
ზუკო უფრო ეგოისტია, ბაბუა ჰყავს პატრონად არჩეული და ის თუ ბავშვს ეფერება, უხტება მეც მომეფერეო. ლაბრადორზე ერთადერთი მინუსი ის არის, რომ ძალიან ბევრი თმა სცვივა და მთელი დღე წმენდაში ვარ, ბავშვი ისე გაიზარდა არ უხოხია სახლში, მხოლოდ თავის ხალიჩაზე, სადაც ბეწვი არ ხვდება. ჯანმრთელი ძაღლი, რა თქმა უნდა, არ არის საშიში, მაგრამ მაინც ბეწვებს, უნდა მოვარიდოთ ბავშვი“

მშობელი: ნინა შილაკაძე
ძაღლის ჯიში: ტეიერი 
სახელი: ბუბუ

,,ბუბუ 2015 წლის 1-ელ სექტემბერს დაიბადა, მამაჩემის მესამე შვილი გახლდათ. სხვა დროს ძაღლი არ გვყოლია, მაგრამ ბუბუმ ყველა მოაჯადოვა. ორსულობა კარანტინის პერიოდი მომიწია  და სამწუხაროდ, მარტო ვიყავი. ბუბუსთან ერთად გავატარე ეს დღეები და ის ჩემი ცხოვრების ნაწილია. 
მაშო ზაფხულში გაჩნდა და სამშობიაროდან პირდაპირ ბუბუსთან მივიყვანე სახლში. (ბუბუ ჩემი მშობლების სახლში ცხოვრობს) ლოგინზე დავუწვინე, გაოგნებული უყურებდა პატარას. 
ლოგინში რომ იწვა მაშო და მოძრაობდა ბუბუს გაოცებას საზღვარი არ ჰქონდა. 3 თვე იცხოვრეს ერთად. როცა მაშოს ეძინა,  არ არსებობდა დაეყეფა. ჩუმად რომ ეტყოდი, დაწვებოდა საწოლთან და იყო მასთან. მაშო უკვე 6 თვის ხდება და ბუბუ ძალიან კარგად აღიქვამს,  თამაშობს მასთან და ძალიან უყვარს. 3 თვის მაშოს პირველი სიტყვა იყო ბუბუ და დღემდე მხოლოდ ბუბუს იძახის. ჩემი შვილი ძალიან მიყვარს, რა თქმმა უნდა, მაგრამ ბუბუც უპირობოდ მიყვარს. მე ვიცი, რომ ისინი კარგი მეგობრები იქნებიან. ბავშვი, რომელიც ცხოველთან იზრდება მგონია, რომ განსაკუთრებით თბილი და კეთილია."

მშობელი: ნინო მღებრიშვილი
ძაღლის ჯიში: გერმანული იაქტერიელი 
სახელი: ლუსი 

„2 ბიჭი მყავს 5 და 4 წლის, რადგან ბაღი აღარ გვაქვს, ვცდილობდი სხვადასხვა აქტივობით დამეტვირთა. კარგ ამინდებში ვახერხებდით, მაგრამ ცუდ ამინდებში მოიწყინეს ბავშვებმა, აღარც ხატვა უნდოდათ. ამიტომ მამიკომ ლეკვი მოუყვანა, საერთოდ შეიცვლა ხასიათი ბავშვების, განსაკუთრებით უფროსი, პასუხისმგებლობის გრძნობა მოემატა და ძალიან ბედნიერია. კარგად უვლის, მონაწილეობას იღებს მის კვებაშიც, სისუფთავეშიც. მთელს ოჯახში დადებითი ემოცია შემოიტანა, უკვე 1 თვეა ჩვენი ოჯახის წევრია ლუსი.“

ნინო ფერაძე
ჯუჯა პეკინესი - ჩაპა

,,შემიძლია თამამად ვთქვა, რომ ჩემმა შვილმა შემაყვარა ძაღლი და ზოგადად, ცხოველები. ძალიან პატარა იყო რომ მოვიყვანეთ - 40 დღის, ვაჭმევდით ხელით. ბავშვი ძალიან მზრუნველია ძაღლის მიმართ, არასდროს არ ავიწყდება ჭამის და გასეირნების დრო"

მშობელი: ნანა ფარულავა
ძაღლის ჯიში: იორკი 
სახელი: ბაბი

,,ჩემი შვილები ძალიან თბილები და მზრუნველები არიან. ბაბი ძალიან ცელქი გოგოა, სულ ყურადღებას ითხოვს. დილით მონატრებული ჰყავს ბავშვები და დიდი სიხარულია მათი ჟრიამულის ხილვა. სახლში მყავს 3 ,,ლეკვი" ელენე, ალექსანდრე და ბაბი“.

შობელი: ლიკა შიხიაშვილი
ზაღლის ჯიში: ჯეკ რასელ ტერიერი 
სახელები: მაილო და მოლი

,,განსაკუთრებულად უყვართ ერთმანეთი და განსაკუთრებულად ბედნიერები არიან ცუგოები, როცა ისინი ეთამაშებიან, ალბათ იმიტომ, რომ ბავშვებისგან მეტად მოდის დადებითი და ბედნიერების მუხტი, ასევე ცუგოები უფრო თამამები ბავშვებთან არიან, ვიდრე ჩვენთან, არ ერიდებიან მათთან არც კალთაში ჩახტომას. სულ თვალებში უყურებენ,როდის მოეფერებიან, თვითონ უფრო იჩენენ ინიციატივას. ქუჩაში ყოფნისას კი გვერდიდან არ შორდებიან, ისეთი შეგრძნებაა თითქოს სულ იცავენ და ალბათ ასეცაა."

ავტორი: თამთა შერმაზანაშვილი