Baby Bag

საქართველო და ფინეთი დისტანციური სწავლების წარმატებით დანერგვის თვალსაზრისით ლიდერ ქვეყნებად დასახელდა

საქართველო და ფინეთი დისტანციური სწავლების წარმატებით დანერგვის თვალსაზრისით ლიდერ ქვეყნებად დასახელდა

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა კორპორაცია Microsoft-ის მიერ ორგანიზებულ ვირტუალური განათლების ტრანსფორმაციის პირველ სამიტში მიიღო მონაწილეობა, საზოგადოებას სიტყვით მიმართა და მათ COVID-19-ის პანდემიის ფონზე საქართველოს განათლების სისტემის წინაშე არსებული გამოწვევები და მათი გადაჭრის გზები გააცნო.

სამიტში მონაწილეობდნენ გაერთიანებული ერების განათლების, მეცნიერებისა და კულტურის ორგანიზაციისა (UNESCO), ეკონომიკური განვითარებისა და თანამშრომლობის საერთაშორისო ორგანიზაციის (OECD) წარმომადგენლები და განათლების სექტორში მოღვაწე 300-ზე მეტი ლიდერი.

სამიტის მოდერატორმა, ეკონომიკური განვითარებისა და თანამშრომლობის საერთაშორისო ორგანიზაცია OECD-ის განათლების დირექტორატის ხელმძღვანელმა ანდრეას შლაიხერმა მიხეილ ჩხენკელის გამოსვლის შემდეგ კიდევ ერთხელ ისაუბრა საქართველოს წარმატებულ მაგალითზე და COVID-19-ის კრიზისის პირობებში განათლების სისტემის ადაპტაციისა და დისტანციური სწავლების წარმატებით დანერგვის თვალსაზრისით, საქართველო და ფინეთი ლიდერ ქვეყნებად დაასახელა.

აღსანიშნავია, რომ ეკონომიკური განვითარებისა და თანამშრომლობის საერთაშორისო ორგანიზაციამ (OECD) 2020 წლის ანგარიშში, რომელიც COVID-19-ის პანდემიით განათლების სფეროში შექმნილი გამოწვევების დასაძლევად გამოაქვეყნა, 98 ქვეყანას შორის საქართველოს მთავრობის მიერ განათლების მიღების უწყვეტი პროცესის უზრუნველსაყოფად გადადგმული ნაბიჯები ერთ-ერთ საუკეთესო ნიმუშად შეაფასა. Microsoft-ის მიერ ორგანიზებულ სამიტზე სიტყვით გამოსვლისას მიხეილ ჩხენკელმა განვითარებისა და თანამშრომლობის საერთაშორისო ორგანიზაცია OECD-ის განათლების დირექტორატის ხელმძღვანელს ანდრეას შლაიხერს მადლობა კიდევ ერთხელ გადაუხადა.

შეიძლება დაინტერესდეთ

კემბრიჯის სასერტიფიკაციო გამოცდებისათვის რეგისტრაცია იწყება

კემბრიჯის სასერტიფიკაციო გამოცდებისათვის რეგისტრაცია იწყება
2019 წლის ზაფხულში დაგეგმილი კემბრიჯის სასერტიფიკაციო გამოცდებისათვის რეგისტრაცია 1 აპრილიდან დაიწყება და 19 აპრილს დასრულდება, გამონაკლისია BEC Higher-ის გამოცდა, რომლისთვისაც რეგისტრაცია 10 აპრილის ჩათვლით მიმდინარეობს. რეგისტრაციის მსურველებს შესაძლებლობა აქვთ დარეგისტრირდნენ შემდეგ გამოცდებზე:

  • KET/KET FS;
  • PET/PET FS;
  • FCE/FCE FS;
  • CAE;
  • BUSINESS ENGLISH CERTIFICATE PRELIMINARY;
  • BUSINESS ENGLISH CERTIFICATE VANTAGE;
  • BUSINESS ENGLISH CERTIFICATE HIGHER;
  • YOUNG LEARNERS Starters;
  • YOUNG LEARNERS Movers;
  • YOUNG LEARNERS Flyers;
  • TKT.
რეგისტრაციის გასავლელად უნდა ეწვიოთ შეფასებისა და გამოცდების ეროვნული ცენტრის ვებგვერდს, ამობეჭდოთ შესაბამისი სააპლიკაციო ფორმა და შეავსოთ.
შევსებულ ფორმას აპლიკანტმა უნდა დაურთოს გამოცდის საფასურის გადახდის ქვითარი და პირადობის მოწმობის/პასპორტის ასლი. პირადობის მოწმობის ან პასპორტის არ ქონის შემთხვევაში, მან უნდა შეავსოს და მოიტანოს ცენტრში "იდენტიფიკაციის ფორმა 17 წლის ან მასზე ნაკლები ასაკის კანდიდატისთვის".
Young Learner-ების გამოცდებზე დასარეგისტრირებლად მსურველებს მხოლოდ ორი საბუთი ესაჭიროებათ: შევსებული სააპლიკაციო ფორმა და გადახდის ქვითარი.

რაც შეეხება კომპიუტერულ გამოცდებს, მათზე რეგისტრაცია მოგვიანებით, 6 მაისიდან დაიწყება და 17 მაისის ჩათვლით გაგრძელდება.
მსურველები შეძლებენ კემბრიჯის შემდეგ კომპიუტერულ გამოცდებზე დარეგისტრირებას:
  • CB PET ;
  • CB FCE;
  • CB CA.
დამატებითი ინფორმაცია იხილეთ ბმულზე

წაიკითხეთ სრულად