Baby Bag

„დილით ბავშვი რომ ადგება, ის კი არა, რომ ჩქარა ჩავაცვათ, პატარა ფიზკულტურა გავაკეთოთ. ვარჯიში და გაკაჟება ნუ დაგვავიწყდება,“ - ყარამან ფაღავა

პედიატრმა ყარამან ფაღავამ 1-6 წლამდე ბავშვზე ზრუნვისა და მისი აღზრდის წესების შესახებ ისაუბრა. მისი თქმით, მშობელმა ამ ასაკში ბავშვს წესიერება და სისუფთავე უნდა ასწავლოს:

„ძალიან მნიშვნელოვანი ეტაპია ერთი წლიდან ექვს წლამდე, სკოლამდელი ასაკის პერიოდი.​ აქ ყალიბდება პიროვნების საფუძვლები. იქ სხვადასხვა მომენტებია, მაგ. წესიერება, სისუფთავე და სისალუქე. ნამეტანს ნუ მოვთხოვთ ბავშვს, რომ ბავშვი ძალიან სუფთა იყოს. ტალახი ბავშვისთვის რომანტიკაა. წესიერება კი ბავშვს უნდა შევაჩვიოთ. კი ისიც რომანტიკაა, რომ სათამაშოები მოფანტულია, მაგრამ მაინც უნდა მივაჩვიოთ, რომ დღის ბოლოს სათამაშოები ლამაზად დააწყოს. ეს იქნება წესრიგის შესწავლა და სილამაზის აღქმის განვითარება. დაწყობილ ნივთებს თავისი ესთეტიკური მნიშვნელობა აქვს.“

ყარამან ფაღავამ აღნიშნა, რომ ბავშვს დამოუკიდებლად ჩაცმა თანდათანობით უნდა ვასწავლოთ და მას იმაზე მეტი არ მოვთხოვოთ, ვიდრე შეუძლია:

„დამოუკიდებლად ჩაცმა ბავშვისთვის ამოცანაა. ერთი წლის ბავშვს ნუ ვაიძულებთ, რომ თასმები შეიკრას. თანდათანობით უნდა მივაჩვიოთ ამას. ​ყოველი ქმედება ხელს უწყობს ტვინის განვითარებას. პამპერსის გამოყენება ძალიან დიდხანს არ გვინდა, განსაკუთრებით ბიჭებისთვის. ბიჭის სასქესო ორგანოს განვითარებისთვის გრილი გარემოა უკეთესი, ზედმეტი ჩათბუნება არ ვარგა. ამიტომ სჯობს, რომ რაც შეიძლება ადრე გადავაჩვიოთ საბავშვო საფენებს.“

ყარამან ფაღავას თქმით, მშობლები ბავშვის კვებას ხშირად არასწორად უდგებიან. ისინი მეტისმეტად ბევრ საჭმელს სთავაზობენ შვილებს, რაც მათ ჭარბი წონის პრობლემის წინაშე აყენებს:

„სწორი კვება საოცრად მნიშვნელოვანი ამბავია. ძალიან ხშირად მაინც საჭმლის კულტია. ჩვენ უფროსები ვიკლებთ, ბავშვს ვაჭმევთ და ვაჭმევთ. გვიხარია, რომ ბავშვი მსუქანია. უახლესი მონაცემებით, ​2-3 წლის ასაკში, თუ ბავშვი გასუქებულია, მომავალში მეტი რისკია ათეროსკლეროზის განვითარებისა და სიმსუქნის. ზომიერება აუცილებელია. ტკბილეული, კრემიანი ნამცხვარი, შოკოლადი არ გვჭირდება. შოკოლადი ალპინისტის საჭმელია, თორემ ბავშვს რად უნდა შოკოლადი?!“

„ვარჯიში და გაკაჟება ნუ დაგვავიწყდება. დილით ბავშვი რომ ადგება, ის კი არა, რომ ჩქარა ჩავაცვათ, პატარა ფიზკულტურა გავაკეთოთ. თუ დილით არ გამოდის, საღამოთი შეგვიძლია. გაასეირნეთ, გაესაუბრეთ. თავისუფალი დრო სწორად უნდა გამოიყენოთ. ​თავისუფალი დრო კარგია, მაგრამ თავისუფალი დრო არ ნიშნავს უსაქმურობას. ბავშვი რაღაცას სულ უნდა აკეთებდეს, რაღაცას უნდა აშენებდეს, რაღაცას უნდა ხატავდეს. ის მშობელსაც უნდა ეხმარებოდეს,“ - აღნიშნულ საკითხზე ყარამან ფაღავამ ტელეკომპანია „პულსის“ ეთერში ისაუბრა.

წყარო:​ „პულსი“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, „ფასდაკლებები დედებისთვის“ (ჯგუფში გასაწევრიანებლად ნახეთ ბმული - „ფასდაკლებები დედებისთვის“)

როგორ მივხვდეთ სწორად ვიკვებებით თუ არა? - პედიატრი ყარამან ფაღავა
​​პედიატრი ყარამან ფაღავა სწორი კვების მნიშვნელობაზე საუბრობს და მნიშვნელოვან რჩევებს გვაძლევს, თუ როგორ მოვამზადოთ ჯანსაღი საკვები:„რასაკვირველია, საკვები უნდა იყოს მრავალფეროვანი, ხან ასე უნდა...

შეიძლება დაინტერესდეთ

„არაფერი არ გამიკეთებია და დღეს ვარ 15 წლით პატარა,“ - მომღერალი ირმა სოხაძე ახალგაზრდობის საიდუმლოს გვიმხელს

„არაფერი არ გამიკეთებია და დღეს ვარ 15 წლით პატარა,“ -  მომღერალი ირმა სოხაძე ახალგაზრდობის საიდუმლოს გვიმხელს

მომღერალმა ირმა სოხაძემ თავისი ახალგაზრდობის საიდუმლო გაგვიმხილა და საინტერესო რჩევები მოგვცა, თუ როგორ უნდა შევინარჩუნოთ ახალგაზრდობა:

„მაქსიმალურად უნდა მივხედოთ თავს. არ უნდა ვინერვიულოთ იმაზე, რაზეც შეიძლება, რომ არ ვინერვიულოთ. ვეცადოთ, რომ მივიღოთ რეალობა და ამას ცოტა ფილოსოფიურად შევხედოთ. მეორე, მართლა არ უნდა ვჭამოთ ყველაფერი. ჩვენს ასაკში ძალიან დიდი მნიშვნელობა აქვს დიეტას. არის რაღაც საკვები, რომელიც საერთოდ არ უნდა მივიღოთ, მაგალითად, ტკბილეული, ხორცეული. 13 წელია ხორცი არ მიჭამია.“

ირმა სოხაძის თქმით, კანის სიჯანსაღისა და ახალგაზრდობის შესანარჩუნებლად სიგარეტზე უარი უნდა ვთქვათ:

„სიგარეტი არ უნდა მოვწიოთ ცალსახად. მე 13 წელია არ ვეწევი. რომ ნახოთ ჩემი 15 წლის წინანდელი სურათები, არაფერი არ გამიკეთებია და დღეს ვარ 15 წლით პატარა.“

„ჩემი მთავარი რჩევაა, რომ არ ვინერვიულოთ, არ ვჭამოთ ყველაფერი და სიგარეტი არ მოვწიოთ,“ - აღნიშნულ საკითხზე ირმა სოხაძემ ტელეკომპანია „POSTV”-ის ეთერში ისაუბრა.

წყარო: ​ტელეკომპანია „POSTV” 

წაიკითხეთ სრულად