ასე შეღებილ სააღდგომო კვერცხს იდეალური ფერი ექნება

ასე შეღებილ სააღდგომო კვერცხს იდეალური ფერი ექნება

ახლოვდება აღდგომის ბრწყინვალე დღესასწაული. დიასახლისები იწყებენ ფიქრს, თუ რომელი რეცეპტით გამოაცხონ პასკები და როგორ შეღებონ კვერცხები ისე, რომ მათ იდეალური ფერი ჰქონდეთ. 

​​MomsEdu.ge​ ამჯერად გთავაზობთ ხერხს, რომელიც კვერცხების იდეალურად შეღებვაში დაგეხმარებათ.

ქვაბში, სადაც კვერცხების მოხარშვას აპირებთ, ჩააფინეთ პირსახოცი, დაასხით ოთახის ტემპერატურის წყალი, დაამატეთ ერთი კოვზი მარილი და ძმარი. 

გარეცხეთ კვერცხები და ფრთხილად ჩააწყვეთ ქვაბში. წყალი კვერცხებს უნდა ფარავდეს. მოხარშეთ კვერცხები. 

ცალკე თასში ჩაასხით ნახევარი ჭიქა წყალი, დაამატეთ ნახევარი სუფრის კოვზი ძმარი, კვერცხის საღებავი და მოურიეთ.

ჯერ ისევ ცხელი კვერცხები სათითაოდ ამოავლეთ თასში გამზადებულ სითხეში და ეს პროცედურა იქამდე გააგრძელეთ, სანამ კვერცხი თქვენთვის სასურველ ფერს არ მიიღებს. 

გამზადებული კვერცხები ჩააწყვეთ ქაღალდის კონტეინერში და სურვილისამებრ გადაუსვით ზეთიანი ნაჭერი (სიპრიალისთვის). 


Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

შეიძლება დაინტერესდეთ

„მეგრულ ხაჭაპურს წყალს არ აკარებენ, ის აუცილებლად იზილება რძეში,“ - დალილა ცატავა

„მეგრულ ხაჭაპურს წყალს არ აკარებენ, ის აუცილებლად იზილება რძეში,“ - დალილა ცატავა

საქართველოს გასტრონომიის ასოციაციის პრეზიდენტმა დალილა ცატავამ ქართული კულინარიული მემკვიდრეობის შესახებ საუბრისას მეგრული ხაჭაპურის მომზადების წესი გაგვაცნო:

„სამეგრელო მედეას მისტიკით არის დღემდე. ძალიან ბევრი რამ აქვთ შენარჩუნებული. არის ერთი პრინციპი: თუ მეგრული არის ხაჭაპური, მას წყალს არ აკარებენ. ის აუცილებლად იზილება რძეში. მეგრული ხაჭაპური საერთოდ რძეში იზილება, გულსართი აქვს ჭყინტი ყველის. ცომის ღობეს უკეთებენ და ზემოდან აფენენ სულგუნის ნაჭრებს. რაც უფრო ბევრია და რაც უფრო კვერცხში ამოვლებულია,მით უფრო მნიშვნელოვანია.

მეგრული სამზარეულო ძალიან საინტერესოა იმ თვალსაზრისით, რომ სამეგრელოში კონტრასტული კერძები აქვთ. მათ აქვთ ცეცხლოვანი კერძები და ნეიტრალური კერძები. ხარჩოზე მეგრელები იტყვიან, თუ მაგიდის საფარს დაეწვეთა, უნდა გამოწვას, ისეთი ცხარე უნდა იყოსო. აქვე არის გებჟალია, საოცრად განსხვავებული კერძი.

სანამ ჩვენ პატარები ვართ, იქიდან უნდა შევეჩვიოთ, რომ ეს არის ჩვენი კულტურის ნაწილი, რომ სუფრა არ არის ჭამა-სმა დიდად შესარგი და თრობა. პირიქით, ყველა ძველი ჩანაწერი, ყველა მოგზაურის ჩანაწერი იმას ამბობს, რომ არასდროს უნახავთ საქართველოში ფეხარეული და მთვრალი ადამიანი. დღევანდელი ახალგაზრდობა ამას სკეპტიკურად უყურებს. სკოლაშიც არ უსწავლიათ ამის შესახებ და არც ხედავენ. უნდა იცოდეს ახალგაზრდამ, რატომ ვართ ჩვენ ღვინის სამშობლო. ამაზე ჩვენ ვაკეთებთ ტრენინგებს. რეგიონებმა თავისი გასტრონომიული კულტურის ისტორია არ იციან. არ იციან რა საგანძური აქვთ,“- მოცემულ საკითხზე დალილა ცატავამ ტელეკომპანია „იმედის“ გადაცემაში „იმედის დღე“ ისაუბრა.

წყარო:​ „იმედის დღე“

წაიკითხეთ სრულად