Baby Bag

„​თუ პედაგოგებს შესაბამისი ეკონომიკური პირობები არ შევუქმენით და არ ვიზრუნეთ მათი კვალიფიკაციის ზრდაზე, შეუძლებელია შედეგის მიღება“

„​თუ პედაგოგებს შესაბამისი ეკონომიკური პირობები არ შევუქმენით და არ ვიზრუნეთ მათი კვალიფიკაციის ზრდაზე, შეუძლებელია შედეგის მიღება“

„​თუ პედაგოგებს შესაბამისი ეკონომიკური პირობები არ შევუქმენით და არ ვიზრუნეთ მათი კვალიფიკაციის ზრდაზე, შეუძლებელია შედეგის მიღება,“ - ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა გადაცემაში „რა დროს ძილია“ განაცხადა.

მინისტრმა წარმატებული სკოლის კომპონენტები დაასახელა და აღნიშნა, რომ მაღალი ხარისხის განათლების მისაღებად აუცილებელია გამართული ინფრასტრუქტურა, პედაგოგებისთვის სათანადო ეკონომიკური პირობების შექმნა და ხარისხიანი სახელმძღვანელოები.  

„რისგან შედგება წარმატებული სკოლა. პირველ რიგში, ეს არის ინფრასტრუქტურა, ამაში იგულისხმება არამხოლოდ მოწესრიგებული გარემო, არამედ, თანამედროვე ტექნოლოგიები, ინტერნეტი, კომპიუტერული სივრცეები, ლაბორატორიები. მეორე ეს არის - სახელმძღვანელოები. აღსანიშნავია, რომ გაიზარდა ხარისხი, არამარტო შინაარსობრივ, არამედ ბეჭდვით ნაწილში, შემცირდა წონა. ერთი წლის განმავლობაში დასავლურ სტანდარტზე დავიწყეთ გადასვლა. მესამე არის პედაგოგი. რა თქმა უნდა, თუ პედაგოგოგებს შესაბამისი ეკონომიკური პირობები არ შევუქმენით და არ ვიზრუნეთ მათი კვალიფიკაციის ზრდაზე, შეუძლებელია შედეგის მიღება. ეს არის სწავლების ახალ მეთოდებზე გადასვლა. ეტაპობრივად ყველა სკოლაში უნდა მივიდეთ, ყველა რეგიონში, ყველა სოფელში და ასეთი პირობები შევქმნათ. ჩვენ ერთ წელიწადში მოვახერხეთ ის, რომ ამ ყველაფერს საფუძველი ჩავუყარეთ, თითოეულ კომპონენტში დავიწყეთ წინსვლა გაუმჯობესებისკენ. ახლა რაც მთავარია, ამის მასშტაბირება მოვახდინოთ, რომ შემდეგი წლების განმავლობაში ეს შევინარჩუნოთ,“ - აღნიშნა მიხეილ ბატიაშვილმა.

შეიძლება დაინტერესდეთ

მასწავლებლის სახლი განცხადებას ავრცელებს

მასწავლებლის სახლი განცხადებას ავრცელებს

მასწავლებელთა პროფესიული განვითარების ეროვნული ცენტრი პედაგოგთა საყურადღებოდ ​განცხადებას ავრცელებს. 

ცენტრის ცნობით, გარკვეული ორგანიზაციები ავრცელებენ ინფორმაციას ტრენინგ-მოდულებზე რეგისტრაციის შესახებ და ტრენინგ-კურსის დასრულების შემდეგ მონაწილე მასწავლებლებს კრედიტქულების მინიჭებას პირდებიან, მთავარ პარტნიორად კი უთითებენ „მასწავლებელთა პროფესიული განვითარების ეროვნულ ცენტრს“. აღნიშნული ინფორმაცია არ შეესაბამება სიმართლეს.

„ნებისმიერი ტრენინგი, რომელსაც ორგანიზებას ან პარტნიორობას უწევს „მასწავლებელთა პროფესიული განვითარების ეროვნული ცენტრი“, ქვეყნდება ცენტრის ოფიციალურ ვებგვერდსა და facebook გვერდზე.

ინფორმაციის გადამოწმება კონკრეტული ტრენინგის შესახებ შესაძლებელია ცენტრის ცხელ ხაზზეც: 2 200 220 (47-08),“ - აღნიშნულია მასწავლებელთა პროფესიული განვითარების ეროვნული ცენტრის მიერ გავრცელებულ განცხადებაში.

წაიკითხეთ სრულად