Baby Bag

„​თუ პედაგოგებს შესაბამისი ეკონომიკური პირობები არ შევუქმენით და არ ვიზრუნეთ მათი კვალიფიკაციის ზრდაზე, შეუძლებელია შედეგის მიღება“

„​თუ პედაგოგებს შესაბამისი ეკონომიკური პირობები არ შევუქმენით და არ ვიზრუნეთ მათი კვალიფიკაციის ზრდაზე, შეუძლებელია შედეგის მიღება“

„​თუ პედაგოგებს შესაბამისი ეკონომიკური პირობები არ შევუქმენით და არ ვიზრუნეთ მათი კვალიფიკაციის ზრდაზე, შეუძლებელია შედეგის მიღება,“ - ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა გადაცემაში „რა დროს ძილია“ განაცხადა.

მინისტრმა წარმატებული სკოლის კომპონენტები დაასახელა და აღნიშნა, რომ მაღალი ხარისხის განათლების მისაღებად აუცილებელია გამართული ინფრასტრუქტურა, პედაგოგებისთვის სათანადო ეკონომიკური პირობების შექმნა და ხარისხიანი სახელმძღვანელოები.  

„რისგან შედგება წარმატებული სკოლა. პირველ რიგში, ეს არის ინფრასტრუქტურა, ამაში იგულისხმება არამხოლოდ მოწესრიგებული გარემო, არამედ, თანამედროვე ტექნოლოგიები, ინტერნეტი, კომპიუტერული სივრცეები, ლაბორატორიები. მეორე ეს არის - სახელმძღვანელოები. აღსანიშნავია, რომ გაიზარდა ხარისხი, არამარტო შინაარსობრივ, არამედ ბეჭდვით ნაწილში, შემცირდა წონა. ერთი წლის განმავლობაში დასავლურ სტანდარტზე დავიწყეთ გადასვლა. მესამე არის პედაგოგი. რა თქმა უნდა, თუ პედაგოგოგებს შესაბამისი ეკონომიკური პირობები არ შევუქმენით და არ ვიზრუნეთ მათი კვალიფიკაციის ზრდაზე, შეუძლებელია შედეგის მიღება. ეს არის სწავლების ახალ მეთოდებზე გადასვლა. ეტაპობრივად ყველა სკოლაში უნდა მივიდეთ, ყველა რეგიონში, ყველა სოფელში და ასეთი პირობები შევქმნათ. ჩვენ ერთ წელიწადში მოვახერხეთ ის, რომ ამ ყველაფერს საფუძველი ჩავუყარეთ, თითოეულ კომპონენტში დავიწყეთ წინსვლა გაუმჯობესებისკენ. ახლა რაც მთავარია, ამის მასშტაბირება მოვახდინოთ, რომ შემდეგი წლების განმავლობაში ეს შევინარჩუნოთ,“ - აღნიშნა მიხეილ ბატიაშვილმა.

შეიძლება დაინტერესდეთ

მასწავლებლის 5 განსაკუთრებული უნარი, რომელიც კარგ მშობელს აუცილებლად უნდა ჰქონდეს

მასწავლებლის 5 განსაკუთრებული უნარი, რომელიც კარგ მშობელს აუცილებლად უნდა ჰქონდეს

მასწავლებლებს ბავშვებთან ურთიერთობისთვის გარკვეული უნარები აუცილებლად სჭირდებათ. როგორც აღმოჩნდა, აღნიშნული უნარები მშობლებისთვისაც მნიშვნელოვანია. ჩვენს სტატიაში მასწავლებლების იმ ხუთ უნარს გაგაცნობთ, რომელთა შეძენა მშობლებს შვილებთან ურთიერთობის გაუმჯობესებაში მნიშვნელოვნად დაეხმარება.

1. მოთმინება

მასწავლებლისთვის მოთმინების უნარი ძალიან მნიშვნელოვანია. მან უნდა იცოდეს, რომ ​ბავშვები ერთმანეთისგან განსხვავდებიან და მათთან განსხვავებული მიდგომაა საჭირო. მასწავლებელმა უნდა გააცნობიეროს, რომ ყველა ბავშვი სასწავლო მასალას ერთნაირი წარმატებით ვერ ითვისებს. მშობელიც მოთმინებით უნდა აკვირდებოდეს შვილის სწავლის პროცესს და მის შესაძლებლობებს ითვალისწინებდეს. მასწავლებელს აქვს უნარი ბავშვს ცოდნა თანდათანობით გადასცეს. ის ჯერ უხსნის ბავშვს, როგორ ისწავლოს. შემდეგ მასთან ერთად აკეთებს დავალებას, რის შემდეგაც ბავშვი დამოუკიდებელ მუშაობაზე გადადის. მშობელმა შვილთან ურთიერთობაში სწორედ ასეთი მოთმინება უნდა გამოიჩინოს.

2. ორგანიზებულობა

ორგანიზებულობის უნარი ბუნებრივად თუ გერგოთ, ძალიან იღბლიანი ხართ. ​თუ ეს უნარი არ გაქვთ, უმჯობესია მის ჩამოყალიბებაზე იზრუნოთ. სკოლებში ყველაზე ორგანიზებული მასწავლებლები სიმარტივისადმი სიყვარულით გამოირჩევიან. სახლში მარტივი ცხრილი შეადგინეთ, რომელშიც თქვენი მთავარი ინტერესები და პრიორიტეტები იქნება ჩამოწერილი. თუ თქვენთვის მთავარი ბავშვის მეცადინეობაა, პირველ რანგის საქმედ სწორედ შვილის სწავლაში დახმარება უნდა განსაზღვროთ. შეადგინეთ ცხრილი, სადაც მთელი კვირის საქმეებს პრიორიტეტების მიხედვით გაწერთ. ეს ძალიან დაგეხმარებათ.

3. ქცევის მართვა

თუ მასწავლებელს მოსწავლის ქცევის მართვის უნარი არ აქვს, მას სწავლება გაუჭირდება. კარგი მასწავლებელი ბავშვს არ უყვირის და არ არცხვენს, თუმცა მის კლასში დისციპლინა არ ირღვევა. კარგი დედა კარგი მასწავლებლის მსგავსად ცდილობს, რომ ​ბავშვებს თავდაჯერება აუმაღლოს. როდესაც ბავშვები გრძნობენ, რომ მშობელს მათი სჯერა, ისინი კარგი ქცევისკენ მეტ მიდრეკილებას ავლენენ. ბავშვი ხშირად შეაქეთ, თუნდაც მცირედი მიღწევებისთვის. თუ თქვენი შვილი დას ან ძმას კეთილად ექცევა, აუხსენით, რომ ეს მოსაწონი საქციელია, რის გამოც ის გარკვეულ ჯილდოს მიიღებს. ბავშვს უფლება მიეცით ველოსიპედით გაისეირნოს, რათა მისი დადებითი ქმედება წაახალისოთ.

4. კრეატიულობა

დედებს კრეატიულობა ძალიან სჭირდებათ, რათა ბავშვებთან ურთიერთობა გაიუმჯობესონ. თუ გსურთ, რომ ბავშვებმა ტანსაცმელი დაალაგონ, ტანსაცმლის კეცვაში შეჯიბრი მოაწყვეთ. თქვენს შვილებს ეს ძალიან მოეწონებათ. თუ გსურთ, რომ ბავშვი კომპიუტერის ეკრანს მოშორდეს, უთხარით, რომ თუ ის კომპიუტერს სწრაფად გამორთავს და 30 წამში ჩაგეხუტებათ, შაბათ-კვირას კომპიუტერთან დამატებით 10 წუთს გაატარებს.

5. ბავშვზე ორიენტირება

მასწავლებელი კლასში იმისთვის შედის, რომ ბავშვს ასწავლოს და მოსწავლეებზე იყოს ორიენტირებული. ​ბავშვზე ორიენტირება დედისთვის კიდევ უფრო მნიშვნელოვანია. როდესაც შვილებთან ვართ, მთლიანად მათზე უნდა გადავიტანოთ ყურადღება. მასწავლებელი, რომელიც კლასშია და გამუდმებით ტელეფონში იყურება, კარგი პედაგოგი არ არის. დედაც შვილთან ყოფნისას ყოველთვის უნდა ცდილობდეს, რომ ბავშვი მისი ყურადღების ცენტრში იყოს.

მომზადებულია ​imom.com-ის მიხედვით

შეიძინე საბავშვო პროდუქტების ნაკრები ექსკლუზიურ ფასად ბმულზე 👉 https://www.facebook.com/babybag.momsedu.ge

თარგმნა ია ნაროუშვილმა 


წაიკითხეთ სრულად