,,დასაშვებია იყოს მე-5, მე-6 ტალღაც... - მსუბუქად გადასატანად მთავარია ორი რამ''

,,დასაშვებია იყოს მე-5, მე-6 ტალღაც'' - აღნიშნულის შესახებ ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ განაცხადა. მისი თქმით, ამ ტალღების მსუბუქად გადასავლელად აუცილებელია ორი რამ:

,,დასაშვებია იყოს მეხუთეც და შემდგომ მეექვსე ტალღებიც, მოგეხსენებათ ვირუსულ ინფექციებს აქვთ ციკლური მიმდინარეობა, მით უმეტეს ოქტომბრის მეორე ნახევრიდან საქართველოში იწყება რესპირაციული ვირუსების სეზონი, კორონაც გახლავთ რესპირაციული ვირუსი, სხვა კორონებიცაა, გრიპის ვირუსი და ა. შ. 

მეხუთე ტალღისთვის საჭიროა ერთმანეთს მოვუწოდოთ, რომ გავიკეთოთ პირბადე, ეს არის ყველაზე დიდი დამცველი საშუალება და მისი ტარება ავიყვანოთ 95%-ზე. ასეთ შემთხვევაში დეკემბრისთვის გადავარჩენთ 200-250 ადამიანის სიცოცხლეს. 

თუ 1000 ადამიანი ორჯერადად აიცრება, ეს არის ერთი გადარჩენილი ადამიანის სიცოცხლე. ამიტომ მეხუთე ტალღისთვის თუ შეიქმნება კოლექტიური იმუნიტეტი და ჩავატარებთ მილიონ აცრას ოქტომბერში, შედარებით მსუბუქად გადავიტანთ მეხუთე თუ მექვსე ტალღას. 

მთავარია ქვეყანაში კოვიდის საწინააღმდეგოდ იყოს კუმულაციური იმუნიტეტი და ვატაროთ პირბადე“, - დასძინა ამირან გამყრელიძემ.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუ​ფი“)

შეიძლება დაინტერესდეთ

,,კოვიდის მე-4 ტალღა საქართველოში არ დამთავრებულა'' - გიორგი ფხაკაძე მე-5 ტალღის დაწყებაზე პროგნოზს აკეთებს

,,კოვიდის მე-4 ტალღა საქართველოში არ დამთავრებულა'' - გიორგი ფხაკაძე მე-5 ტალღის დაწყებაზე პროგნოზს აკეთებს
პროფესორი გიორგი ფხაკაძე კორონავირუსის შესახებ სოციალურ ქსელში პოსტს აქვეყნებს. მისი თქმით, საქართველოში მე-4 ტალღა ჯერ არ დასრულებულა:

,,კოვიდის მე-4 ტალღა საქართველოში არ დამთავრებულა, საქართველოში მე-5 ტალღა ზამთრის შუა რიცხვებში იქნება.

არაპროფესიონალიზმი ყველა სფეროში და, განსაკუთრებით, ჯანდაცვის/ეპიდემიის მართვის სფეროში მდგომარეობას ყოველდღიურად ამძიმებს.

არჩევნების გამო ქვეყანაში შესაბამისი ზომები და გადაწყვეტილებები არ იქნა მიღებული.

შედეგი სახეზეა, დღეს კოვიდაფეთქებაა. მხოლოდ თბილისში, სტატისტიკის თანახმად,, 40 ბაღი, 7 სკოლა და ცალკეული 90 კლასი დაიხურა.

არაპროფესიონალიზმი კლავს.

ქვეყანა უნდა გადავიდეს ფაიზერი/ბიონტეკის ვაქიცინაზე.

ქვეყნის ვაქცინაციის გეგმა უნდა შეიცვალოს და მოზრდილი (16 წლის ზევით) მოსახლეობის მინიმუმ 90% უნდა აიცრას.

ყველაფერი შესაძლებელია, თუ ამის სურვილი იქნება,'' - აღნიშნავს გიორგი ფხაკაძე. 
წაიკითხეთ სრულად